Li gorî nûçeya ajansa fermî ya Tirkiyê ku dispêre çavkaniyên Wezareta Berevaniya Tirkiyê, di 15ê Hezîranê de Artêşa Tirkiyê li Xakurkê bi dronan êrîşî gerîlayên PKKê kirine.

Di nûçeyê de hat diyarkirin ku di encama lêkolînan de yek ji gerilayên ku jiyana xwe ji dest daye Thomas J. yê bi nasnavê "Azed Sergeş" e ku li bajarê Mainburg ê Almanyayê ji dayik bûye.

Herwiha hat diyarkirin ku welatiyê Alman Thomas J. li Munihê yê Almanyayê tevlî PKKê bûye.

Lê derbarê mijarê de heta niha PKKê ti daxuyaniyek belav nekiriye.