Li gorî daxuyaniya HPG'ê ya îro 13ê Temûza 2022an hêzên wan di nav 48 demjimêrên borî de li Herêma Zapê 3 leşkerên Tirk kirine armanc û kuştine û herwiha derb li 2 firokeyên bê pîlot jî xistine.

Wezareta Berevaniyê ya Tirkiyê jî herî dawî doh 12ê Tîrmeha 2022an ragihandibû ku li navçeya Operasyona Pençe-Kîlîd di nav axa Başûrê Kurdistanê de 3 gerîlayên PKKê canê xwe ji dest dane.

Roaj 18ê Nîsana 2022an Artêşa Tirkiyê li navçeyên Zap, Avaşîn û Metîna yên di nav axa Başûrê Kurdistanê de bi hinceta gerîlayên PKKê dest bi operasyona bi navê Pence-Kilîd kir û ew operasyon heta niha jî berdewam e.