Li gor ragihandina Wezareta Berevaniya Turkiye ku îro ragihandiye, sê gerîlayên PKKê di operasiyona Pençe Kilîl de canê xwe ji dest dane.

Wezareta Berevaniya Tirkiye di daxuyaniyekê de tekezî li ser rijdbûna welatê xwe bo rûbirûbûna PKK dubare kir, û dibêje ku 3 gerîlayên di operasiyona Pençe Kilîl de li herêma Kurdistanê canê xwe ji dest dane.

Navenda Ragihandinê ya Hêzên Parastina Gel (HPG) jî ragihand ku di encama rêze çalakiyên gerîla yên li dijî Tirkiyeyê de, 8 leşkerên wî welatî hatine kuştin.

HPG herwiha, amaje bi wê yekê jî kiriye ku artêşa Tirkiyê li navçeyên Başurê Kurdistanê bombeyên fosforî bikar aniye, 20 caran çekê kimwayî û bombeyên qedexekirî û 9 caran jî bi balafirên şer êrîş kiriye.

Ev yek di demekê de ye ku hikûmeta Tirkiye heta niha ti bersiva van gotinên PKKê nedaye.

Operasyona Pence-Kilîl, navçeyên Metîna, Zap û Avaşîn-Basyanê yên di nav axa Herêma Kurdistanê de li xwe digire.