Seraya Selam di daxuyaniyekê de eşkere kiriye ku çekdarên DAIŞê li qezaya Samera ya parêzgeha Selahedînê êrîşek kirine û hêzên wan jî bersivsa wan dane û di navbera wan de şer derketiye.

Li gor daxuyaniyê êrîş li taxa Nehwe ya nav bajarê Samera çêbûye û di encama pevçûnan de du çekdarên wê grûpa Şîe hatine kuştin.

Hatiye ragihandin ku çekdarên bi navên Qasim Şilage û Mûhened Şîhab ên Seraya Selam hatine kuştin.

Li sînorê qezaya Samerayê mezarên du îmamên Şîeyan hene; mezarên Îmam Hesen Eskerî û Elî Hadî Kurêtî ku wek îmamên dehem û yazdehemîn ên Şîeyan tên naskirin.

Grûpa Seraya Selam û çend grûpên din ên çekdar ên Şîeyan li wî sînorî herdu mezarên Şîeyan diparêzin.

Seraya Selam grûpeke çekdar a ser bi Tevgera Sedr ve ye û biryaran ji rêberê wê tevgerê Muqteda Sedr werdigre