Çapemeniya Iraqê belav kir, ji aliyê çend çekdarekî nenas ve li bajarê Nasiriye ya ser bi parêzgeha Zîqarê, êrîşek li hember mala parlamenter Mehmûd Elsalmî yê endamê Îtîlafa Dewleta Yasa pêkhat, lê di encamê de tenê ziyanên madî çêbûn.

Şeva borî alîgirên Tevgera Sedir li bajarê Nasiriye, dijî wan gotinên tomarên dengî yên Nûrî Malikî xwepêşandan kirin, lê piştre li ser daxwaza Muqteda Sedir dawî bi xwepêşandanan hat.

Vê dema dawiyê ji ber belavbûna tomarên dengî yên Nûrî Malikî, pêwendiyên di navbera Tevgera Sedir û Partiya Dewa Îslamî ku Malikî serokatiya wê dike aloz bûne û di helwêstê xwe yê dawiyê de jî Sedir daxwaz ji Malikî kir, bi yekcarî ji proseya siyasî dûr bikeve û tobe bike. Herwaha ew bi wê yekê jî tometbar kir ku gefa kuştinê li wî xwariye.