Îro 09.01.2023yê endamê lijneya darayî li Parlamentoya Iraqê Mihemed Nûrî ragehand: ‘’Wezareta darayî reşnivîsa projeyasaya budceya sala 2023yê ber bi dawiyê ve diçe. Pêwîste hin xalên din ên nû lê bên zêde kirin û budceya darayî bê dabîn kirin bo fermanberên bi peyman û piştre bûn daîmî ango kadro li wezaret û saziyên din ên hikûmetê de.’’

Herwaha diyar kir: ‘’Sedî 95ê karên amade kirina projeyasaya budceya 2023yê temam bûye û kêm maye ku ji Encûmena Wezîran re bê şandin û budceya sala 2023yê ya Iraqê zêdetir ji 140 trîlyon dînare û vê heftiyê nayê şandin, lê heftiya bê Wezareta Darayî dê reşnivîsê bişîne Encûmena Wezîrên Iraqê.’’