Civîna li Hewlêrê li ser şerê li dijî, pevçûnên navbera hêzên Iraqê û hêzên Pêşmerge hat kirin. Wekîlê Wezîrê Pêşmerge Kerîm Şingalî di civînê de amaje bi rûbirûbûna li dijî milîtanên rêxistina DAIŞê kir û got: "Şer û rûbirûbûna li dijî DAIŞ'ê bi dawî nehatiye û milîtanên DAIŞ'ê hê jî li çend navçeyan mane û hest bi tevgera wan tê kirin."

Kerîm Şingalî di devama axaftina xwe de got: "Ji ber wê yekê em daxwaz dikin ku koalîsyona navneteweyî li ser alîkarî û hemahengiya li gel Pêşmerge berdewam be."

Her wiha Şingalî li ser wê yekê got: "Heta niha gotûbêjên serbazî yên di navbera Hêza Pêşmerge û Artêşa Iraqê de berdewam e û ti encamek jê derneketiye, lê belê niha şer sekiniye û tevgerên serbazî jî ber bi kêmbûnê ve çûne."