Parlamentera Kurd û berdevka firaksyona PDK'ê li parlamentoya Iraqê Neda Mêrgesorî ragihand ku, parlamenterên Dewleta Qanûnê bi serokatiya Nûrî Malikî dixwazin pêwendiyên Hewlêr û Bexdayê zêdetir aloz bikin.

Neda Mêrgesorî her wiha got, parlamenterên Dewleta Qanûnê hefteya borî xwestin ku pêşniyarqanûna lêpirsînkirina beşek ji parlamenterên Kurd yên ku di referandomê de deng dabûn serxwebûna Kurdistanê, bixin rojeva parlamentoya Iraqê lê nekarîn.

Mêrgesorî da zanîn, Malikî û peyayên xwe dê dîsa hewl bidin lêpirsînê li parlamenterên Kurd bikin ji ber wê jî dê di civîna sibê de jî xwe biceribînin. Helbet du parlamenterên Kurd (Ala Talebanî û Şivan Dawûdî) jî alîkariya wan dikin.