Serokwezîrê Iraqê Mistefa Kazimî êvara roja pêncşemê bang li aliyên siyasî kir ku rewşa welatê me tê de têbigihêjin.

Herwiha Kazomî got: "Ev nakokî dê bandorek neyînî li ser aramî û lihevhatina civakî bike. Hikûmetê berjewendiyên giştî daniye pêşiya berjewendiyên taybet.’’

Peyama Kazimî di demekê deye piştî xwenîşanderên tevgera Sadr roja Çarşemê astengên betonî li ber Zona Kesk li ber hêzên ewlekarîyê rakirin.

Xwepêşander piştre derbasî salona pêşwaziyê ya serokatiyê bûn û piştre derbasî avahiya parlamentoya Iraqê bûn û dest danîn ser avahiya parlementoyê. Li ser banga Muqteda Sedr alîgirên wî ji parlementoyê vekişiya bûn.