Di daxuyaniyek xwe ya ji bo kanala fermî ya Tevgera Gorran de fermandarê giştî yê Heşdî Şeibî Hadî Amrî amaje bi alîkariya gruba 16'ê cotmehê ya YNK'ê kir û ragihand: ‘’Hemahengî û alîkariyeke bilind li gel birayên kurd û fermandarên Pêşmerge hebû xwe vekêşin û rê ji hêzên ewlehiya Iraqê re bidin, ku ew pêşdeçûnê di parêzgeha Kerkûkê de bikin. Ji ber vê jî alîkariya Pêşmerge ya ji aliyê hin fermandarên Pêşmerge ve pir baş bû û li hev têgeheştinek hebû.’’

Amîrî daxuyaniyên fermandarên gruba alîgir ya 16'ê cotmehê derew derdixîne ku digotin çekên pêwîst nebûn û piştî şereke giran xwe ji navçeyê vekêşane û dibêje: ‘’Vekêşîna Pêşmerge wek nêrîna hin kesan nebû, ku Pêşmerge hêza wî ya şer kirinê tineye, yan revîne û paşve vekêşiyane, berevajî wê hesteke bilind a berpirsyartiyê ji aliyê Pêşmerge ve hebû.’’

Piştî rêkeftina 16'ê cotmehê ya gruba YNK'ê bi awayek berdewam berpirsên wê grubê behsa aramiya Kerkûkê dikin.