Parêzgarê Kerkûkê Rakan Seîd çû ser gorên komî yên ku li bajarokê Leylanê ku 15 kîloemtre dikeve bakurê rojavayê Kerkûkê û li cihê cih çavdêrî kirin û diyar kir, "Li bakurê rojavayê Kerkûkê cesedê bi dehan kesên ku nasnameya wan ne diyar e derketin." Seîd ragihand ku gorên komî li ser giliyê welatiyekî derketiye holê û wiha pê de çû, "Tê texmînkirin ku cesedên ku qurbaniyên wan ne diyar e û dîroka xwe digihîje sala 2003an."

Her wiha Parêzgarê Kerkûkê derbarê mijarê de diyar kir ku ji bo ku rastî derkevine holê wan komîsyonek hatiye avakirin û wiha dawî li axaftina xwe anî, "Dê ji Midûriyeta Tenduristiyê û Ewlehiya Parêzgariyê û Şaredariyê komîsyonek were avakirin û ev komîsyon dê vekolînên hevpar bikin."