Li gor zanyariyên berdest, artêşa Iraqê û milîsên Heşda Şeibî li gundê Cevale yê navçeya Reşad a Kerkûkê li hemberî milîtanên rêxistina terorîst a DAIŞê operasyonek li dar xistin.

Li gundê Cevale di navbera milîsên iraqî û milîtanên DAIŞê de şer û pevçûnên dijwar qewimîn.Di encama pevçûnan de 8 milîtanên DAIŞê hatin kuştin.

Piştî 16ê Cotmehê ku Kerkûk û navçeyên wê ji aliyê artêşa Iraq û Heşda Şeibî ve hat dagirkirin tevgera DAIŞê li Kerkûkê zêde bû û li hemberî hêzên iraqî gelek caran êrişî çekdarî jî li dar dixe.