Li gorî nûçeya Rûdawê ku agahiyên xwe dispêre malperên erebî, şeva derbasbûyî, 16-12-2017, komeke çekdarên nenas li taxa Musella ya Kerkûkê êrîşê baregaha Bereya Tirkmenan kiriye û di heman demê de li taxa Barûtxaneyê jî li dijî mefrezeyeke Heşda Tirkmenî êrîşek hatiye encamdan.

Derbarê mijarê de Birêveberê Polîsê Kerkûkê Xetab Omer da ragihand ku êrîş hevdem bûne û di dema êrîşê de pevçûn derketiye, hêzên ewlekariya Iraqê demildest bersiv dane.

Bi gotina Omer di encama êrîşan de ziyana canî çênebûye lê ziyana madî heye, lê malperên erebî dibêjin, kuştî û birîndar hene.

Ji aliyê din ve, komeke din ê çekdarên nenas li rêbenda bajarokê Leylanê ya Kerkûkê jî bi roketan êrîşî Hêzên Dijeterorê kiriye û pevçûn derketiye.

Ti agahî derbarê vê êrîşê de nehatine bidestxistin.