Berê jî Birîtanîya, Elmanîya û Emerîkayê pirojeyeka çaksazîyê pêşkeşkiribûn bo hêzên Pêşmerge. Serkunsilê giştîyê Birîtanîyayê daxwaz dike kabîneya nû zû bihêt pêkanîn; dakû Pêşmerge bihê yekxistin û evê kabîneyê bi kabîneya delîve nawaz nav dibe.

Yek ji xalên rêkkevtinê di navbera PDK, YNK û Gorranê de, pirsa yekxistin û bi niştîmaîkirina hêzên Pêşmergeye. Ev pirs ku nîva bersivê li ba YNKye û di dema rêkkevtina PDK û YNKyê de jî bi ti awayekê nehat behiskirin. Niha ku hêzên Hevpeyamanan pirogramek bo rêkvexistin û yekxistina hêzên Pêşmerge heye, serkirdeyekê YNKyê behsa wê yekê dike ku ew pirogram di kabîneya dahatî de bicihkirina wê temam dibe û digehe encam.

Birîtanîya, Elmanîya û Emerîka bi hev re serperştîya pirograma çaksazîya Pêşmerge dikin, wek serkunsilê giştîyê Birîtanyayê gotî, encamdana çaksazîyê pêdivî bi lezkirinêye di pêaknîna hikumetê de.

Serkunsilê giştîyê Birîtanîyayê li Herêma Kurdistanê, dibêje: Pêdivîye hikumet zû bihê pêkanîn. Hikumet anku hukimkirin û xizmetkirin. Nabe zêdetir dem bihê ji destdan. Em weku Birîtanîya tenê dikarîn şîreta alîyên Kurdistanî bikîn daku evê pirsê bi lez temam bikin. Evê kabîneyê delîveyên nawaze û pir giring têde heye û delîveyên giring jî dixe pêş gelê Kurdistanê daku çaksazîyê di hikumet û hêzên Pêşmerge de encam bide.

Herweha got: Em piştîvanîya Rêveberîya Çaksazîya wezareta Pêşmerge dikîn û di hikuemta dahatî jî de bi aramanca yekxistin û rîformê, di hemû waran de em berdewam dibîn û piştîvanîya evê pirogramê dikîn. Divê pirsê jî de erkê kabîneya nû ewe karên xwe bi leztir birêve bibe.

Weha dîyare hêj rêyek dûr û dirêj li pêşîya yekvegirtina hêzên Pêşmerge maye, çunku pirojeya Hevpeyamanan bo çaksazîyê di wezareta Pêşmerge de, ku ji 35 pêngavan pêk dihê, heya niha tenê 13 pêngav jê hatîne bicihkirin.