Artêşa Îranê îro seet li nêzîkî 11:00an bi moşekên Katyusha êrîşî Kampa penaberan ya li Koyê kir. Li kampê malbatên Kurdên Rojhilatî û pêşmerge dimînin.

Li gorî agahiyan, rêvebiriya HDKê û akademiya siyasetê ya PDK-Îyê hatine hedefgirtin.

Di derbarê bûyerê de endamê rêvebiriya PDK-Îyê Kawe Behramî ji çapemeniya Kurdistanê re axivî û got ku 2 pêşmergeyên PDK-Îyê şehîd bûne.

Berdevkê Rêvebiriya Tendurustiyê yê Koyê Hewkar Elî jî got ku di encama êrîşê de 5 welatiyên Rojhilatê Kurdistanê şehîd bûne û 35 kes jî birîndar bûne.