Bi amadebûna Serok Barzanî li Fêrgeha Zêrevanî ya bajarê Hewlêrê merasîma bidawîhatina heyama “Pêkvejiyan” ya Serdesteya Yek birêve çû.

Wezîrê Pêşmerge yê Hikûmeta Herêma Kurdistanê bi wekalet Kerîm Şingalî û Fermandarê Fermandariya Pêşmergeyên Zîrevan Lîwa Ezîz Weysî û nûnerê Hêzên Hevpeymaniya Navdewletî di merasîmê de amade bûn.

Di wê çarçovê de, Wezîrê Pêşmerge gotarek pêşkêş kir û behsa rola hêzên Zîrevanî di şerê li dijî DAIŞê kir û spasiya Serok Barzanî kir bo piştevaniya berdewam ji hêzên Pêşmergeyên Kurdistanê re.