Berpirsê Mihwerê Mexmûr – Giwêr ê Pêşmerge Sîrwan Barzanî li Tiwttera ragihand, “Li baregeha eniyê, me pêşwazî li Berpirsê Fermangeha Hemahengîya Asayişa Amerîkayê li Herêma Kurdistanê Col. Patrick Douglas û Col. Sun W. Kim li Nivîsgeha Pêveka Leşkerî li Herêma Kurdistanê kir.”
Diyar kir jî, “Di hevdîtina me de behsa rewşa ewlekarî û tevgera terorîstên DAIŞ'ê hate kirin û herwiha bal li ser girîngiya prosesa reforma Pêşmerge hate kişandin.”
Berpirsê Mihwerê Mexmûr – Giwêr ê Pêşmerge got: “Wan fermandaran kêfxweşiya xwe ya ji ber operasiyonên vê dawiyê yên bi hevbeşiya Pêşmerge û Artêşa Iraqê li dijî terorîstên DAIŞ'ê diyar kir û daxwaz kirin ku ev hemahengî û hevkariya girîng berdewam be.”
Sîrwan Barzanî roja 7ê Sibatê di daxuyaniyekê de ragihandibû, hêzên Pêşmergeyên Kurdistanê û artêşa Iraqê li navçeya Sergeranê operasyoneke hevbeş li dijî DAIŞê pêk anî.
Artêşa Îraqî û Pêşmerge ji meha Mijdara borî ve hevkariyên xwe li dijî grûpên terorist zêde kirin, piştî ku zincîreyek ji êrîşan pêk anîbû û bû sedema qurbaniyên sivîl û leşkerî.
