Di civîneke çapemeniyê de Townsend herweha liser rola Pêşmerge di rizgarkirina Mûsilê de jî rawesta, “Pêşmerge di Operasyona kontrolkirina Mûsilê de rolek pêşengiyê list û bi teqandina guleya yekem ve rê ji hêzên Iraqî re vekir. Ez rêzdariya xwe ji bo qurbanîdana Pêşmerge û ji rola wan a pêşeng re diyar dikim”.

Townsend Operasyona Telaferê jî nirxand û got: “DAIŞiyan ku dixwestin birevin, ji alî Pêşmerge ve hatin rêgirîkirin û di navbeyna Hêzên Iraqî û Pêşmerge de ahengiyek baş heye. Pêşmerge rêgirî li DAIŞiyên rêviyayî kir û ew şikandin. Heta niha di navbeyna 130-170 DAIŞî hatin kuştin”.

Operasyona rizgarkirina Hewîce babetek girîng a civîna çapemeniya Townsend bû û ragehand: “Ez naxwazim bi hûrgilî liser Operasyona Hewîce rawestim, lê Pêşmerge dê rolek berçav û girîng bilîze”.