Wezareta Pêşmerge ya Herêma Kurdistanê bi daxuyaniyekê ragihand: “ Îro yekşemê 23ê Cotmeha 2022yan, Serokerkanê Wezareta Pêşmerge Îsa Uzêr, bi amadebûna nûnerên hêzên 70, 80 û nûnerên Hevpeymanan ên li Iraq û Herêma Kurdistanê, serperiştiya civîneke li ser pêkanîna du firqeyên serbazî kir, ku beriya niha bi mebesta komkirina hêzên Pêşmerge biryar li ser pêkanîna wan hatibû dayîn.”

Serokerkanê Wezareta Pêşmerge ronahî xiste ser girîngiya pêkanîna wan firqeyan û hevahengiya navbera mîhweran û yekeyên din ên serbazî.

Herwiha tekez kir ku Wezareta Pêşmerge çavdêrîkirina wan ferman û biryarên ku ji bo rêkxistina hêzên Pêşmerge hatine derxistin, didomîne.