Qeymeqamê Qezaya Sîdekanê Îhsan Çelebî ev nûçe ji ajansa K24ê re piştrast kir û got: “Artêşa Tirkiyeyê şeva borî 2 otombîl li gundên Bêciwanan û Dasnê yên Sîdekanê kirin armanc. ”

Li gorî zanyariyên Qeymeqamê Qezaya Sîdekanê, ew her du otombîl, ên çekdarên PKKê bûn.

Îhsan Çelebî wiha got: “Heta niha ti zanyarî derbarê ziyanên canî yên wê êrîşê neyin zanîn, lê ew herdu otomobîl hatine şewitandin.”

Navçeya Sîdekanê ser bi Îdareya Xweser a Soranê ve ye û zêdetir ji 250 gundên wê hene. Li gorî amarên Qeymeqamê Sîdekanê, ji destpêka şerê PKK û Tirkiyeyê û heta niha, 118 gund vala bûne.