Berdevkê Koalîsyona dijberiya DAIŞê ku Amerîka pêşengiya wê dike Albay Ryan Dillon bi rêya vîdyo konferansê bi Wezareta Parastin a Amerîkayê (Pentagon) re axivî. Dillon di axaftina xwe de ragihand ku ji bo ewlehî û parastina bajêr ji hêzên herêmî 850 kes perwerde kirin û niha ev hêz di nava bajêr de kar dike.

Ryan Dillon di berdewamiya axaftina xwe de got: "Hêza ewlehiya navxweyî ya Reqqayê piranî ji xelkê ereb û ji xwebexşên dijberiya DAIŞê pêk tê. Ev hêz li herêmên bajêr yên ku ji terorîstan hatiye paqijkirin kar dikin, rê li ber reva milîtanên DAIŞê digirin û ewlehiyê saz dikin."

Dillon di dirêjiya axaftina xwe de got: "Vê hefteyê perwerdeya 230 kesên din qediya û ew jî tevlî grûbê ewlehiyê bû. Niha hejmara wan gihîştiye 850 kesî. Koalisyon ji xeyrî perwerdeya çekî, alîkariya pêşî, şerê çekdarî, lêgerîn û operqasyonên noqteyî de grûbê perwerde dike."

Li gorî îdîayan Hêza Sûriyeya Demokratîk (HSD) jî di nav hêza ewlehiya navxweyî ya Reqqayê de cih digre.