Çavkaniyên herêmî diragihînin ku, çekdarên Hêza Sûriyeya Demokratîk (HSD) li taxên Reqayê pêşve diçin û derbeyên giran li DAIŞê didin. Di şerê li taxa Reqaya Kevn ku dikeve rojhilatê bajêr de wesayîteke bombebarkirî hat rûxandin û 5 terorîst jî hatin kuştin.

Herwiha li taxa Hîşam Bin Ebdulmelik ku dikeve aliyê başûr jî di navbera HSD û DAIŞê de şer didome, heta niha 8 terorîst hatin kuştin. Di şer û pevçûnên taxa Rewda ya ku dikeve bakur rojhilatê bajêr jî şer didome û li wir jî 4 terorîst hatin kuştin.

Wekî din li eniya rojavayê bajêr di pêşveçûna şervanan a li taxên Berîd û Deriyê de jî şer derket. Di encama pevçûnan de li Berîd 5 û li Deriyê jî 4 terorîst hatin kuştin. Li gorî çavkaniyan li taxên Deriyê, Rewda û Berîdê şer û pevçûn bi dijwarî dewam dike û li taxên Reqaya Kevn û Hîşam Bin Ebdulmelik jî şerê demkî didome.

Berdevkê QSD'ê devama axaftina xwe de dibêje ku tenê armanca me ne ew e ku em bajêrê xilas bikin. Jiber ku em sivîlan jî xilasdikin pêşveçûyînên me hinek hêdiye.