Berdevkê Dadgeha Federal Îyas Samûk bi daxuyaniyeke nivîskî ragihand: "Madeya yekemîn û madeyên din ên destûra bingehîn, parastina yekîtiya Iraqê nîşan didin. Herwiha madeya 109 jî berbirsiyariya parastina vê yekîtiyê dixe ser milên rêveberiyên federal ên li herêmê."

Samûk wiha got: "Dadgeha Federal ev made nîşan da û biryar da ku di destûrê de maddeyeke ku mafê cudabûnê bide pêkhateyan tuneye."

Serokwezîrê Iraqê Heyder Ebadî piştî encamdana referanduma serxwebûna Kurdistanê bi hêceta ku li dijî destûra bingehîn a Iraqê ye serî li Dadgeha Federal a Iraqê dabû.

Dadgeha Federalî derbarê birêveçûna referanduma Kurdistanê de bersiva Serokwezîrê Îraqê Heyder Ebadî dabû û ragihand: “Em nikarin bêjin referandum ne destûrî ye, ji ber ku nerîna aliyê beramber nehatiye wergirtin.”

Rêveberiya Herêma Kurdistanê di 25'ê Îlonê de referandûma serxwebûna Kurdistanê pêk anîbû û di referandûmê de jî sedî 93ê dengê ‘Erê' derketibû. Piştî pêkanîna referandûmê di seride Tirkiye, Îran, İraq û gelek welatan bertek dabûn.