Li gorî nûçeya ku K24\'ê de cih digire û nûçeyê dispêre çavkaniyekî ji rayedarêk Iraqî ku nexwestiye navê xwe aşkere bike ji rojnameya Şerq El-Ewset re gotiye: \"Bandora Mesûd Barzanî berdewam e û dikare kartên lîstikê bilivîne, lewra hîn jî çavê Ebadî li Barzanî ye û dixwaze helwesta zelal ya Barzanî bibîne.\"

Her wiha ew çavkanî dibêje: \"Ebadî baş zane ku Mesûd Barzanî lîstikvanekî serekî ye li Herêma Kurdistanê, heger di nav desthelatê de be yan li derveyî wê be û bicîhiştina postê serokatiyê tiştekî ji bandora wî li ser biryarên Kurdan li ser zemînê naguhere.\"

Ev yek di demekê de ye, berî niha Serok Mesûd Barzanî di yek ji dîdarên xwe de yên rojên derbasbûyî, bi zelal got: \"Ez ji encamdana referandumê poşman nebûme.\"

Di beramberî vê yekê de, Heyder Ebadî di dawîn kongirê rojnamevanî de got: \"Tevî ku me sebra xwe jidest neda ye, lê em heya dawî ranawestin û emê tedbîrên pêwîst bistînin û em amade ne bi hemû awayekî alîkariyê bikin.\"