Vladimir Putin li Moskowê di hevdîtina ligel Serokê Endoneyayê Joko Widodo de behsa qeyrana cîhanê ya xurekê kir û got, Amerîkayê bi Dolar berhemên xurek kirriye, loma bihayê van berheman zêde bûye.

Putin diyar kir: “Ji bo ku bazara xurekê tûşî rewşeke karesatbar nebe, divê rêkarên pêwîst werin pêkanîn.”

Serokê Rûsyayê destnîşan dike, îdareya Ukraynayê li benderan mayîn vedane û dibêje: “Kes rêgirî li paqijkirina wan mayînan û derbaskirina genim ji wê deverê nake, em garantiya wê yekê didin ku em ê asayîşa wan biparêzin.”

Vladimir Putin dibêje ku Ukrayna dikare bi rêya Romanya, Polanda û Belarusê genim derbas bike û li ser vê mijarê ew ligel nûnerên Neteweyên Yekbûyî di pêwendiyê de ne.

Putin bal kişand ser wê yekê ku 800 milyon ton genim li cîhanê tê berhemanîn û got: “Rûsyayê par 40 milyon ton dabîn kir, îsal jî amade ye 50 milyon ton genim ji bo cîhanê dabîn bike.”