Di daxuyaniya Wezareta Berevaniyê ya Rûsyayê de hat ragihand ku Ukraynayê îro serê sibê li dijî Moskowê "êrîşa terorê" kir.

Hat diyarkirin ku di êrîşê de 8 dronên mîna firokeyan hatine bikaranîn, hemû hatine jinavbirin.

Ev di demekê de ye ku Serokê Rêveberiya Leşkerî ya Bajarê Kyivê Sergey Popko ragihand ku, Rûsan duh bi şev bi balafirên bêmirov êrîşek li dijî paytexta wî welatî bajarê Kyivê pêk anîne.

Sergey Popko herwiha gotibû ku li navçeya Golosivskiyê ji ber perçeya li apartmanekê ket, kesek hat kuştin û 3 kes birîndar bûn.