Mûftah bersiva pirsên Sputnikê da û got: "Amerîka li Sûriyeyê têkoşîna li dijî terorîzmê nake"

Mûftah wiha pê de çû: "Koalîsyona ku pêşengiya wê Amerîka dike li Sûriyeyê têkoşîna li dijî terorîzmê nake. Armanca koalîsyonê, guhertina sînorê Rojhilata Navîn e û herêmên federal ava bike û yekîtiya Sûriyeyê bi dawî bike."

Rayedarê partiya Baesê destnîşan kir ku Amerîka wekê li dijî terorîzmê têdikoşe dide nişandan û ev yek berfireh di çapameniyê de cih girtin. Lê rewşa li rojhilatê Firatê wekê k udi çapameniyê de dixuye cudatir e.

Endamê Akademiya Pirsên Stratejîk a Sûriyeyê Elî Ahmed jî da zanîn ku hewldanên têkoşîna li dijî terorîzmê bi rastî armanca cuda kirina Sûriyeyê ye.

Ahmed eşkere kir ku hêzên koalîsyonê dê Reqqayê rizgar bike, lê eger bi Artêşa Sûriyeyê re di nav koordînasyonê de tevnegere dikevin rewşa dagirkeriyê. Lê hêzên koalîsyonê hewcedarî bi koordînasyonê nabînin. Lewre Amerîka dixwaze polîtîkayên xwe li hemû cihanê belav ke.