Wezîrê Berevaniyê yê Amerîka James Mattis ragihand, ew ji Sûriyê dernakevin, heta ku danûstandinên Cenevê biser nekevin jî dê li Sûriyê bimînin.

"Em ê benda hevdîtinên Cinêvê bin"

Wezîrê Berevaniyê yê Amerîka James Mattis di konferanseke rojnamevanî de da zanîn, hêzên Hevpeymaniya Navdewletî ya li dijî DAIŞê ji Sûriye û Iraqê dernakeve, heta ku encamên danûstandina Cenevê diyar nebin.

Mattis amaje bi wê kir, nabe tenê bi hizr û rêyên leşkerî ji bo çareserkirina krîza Sûriyê hebin, pêwîste bi awayekî diplomatîk û aştiyane pirsgirêk bêne çareserkirin.

Roja 11 Mijdarê, Amerîka û Rûsya di daxuyaniyekê de ragihandin, ku Serokê Amerîka Donald Trump û Serokê Rûsya Vladimir Putin li Vietnamê li hev kirin, ku krîza Sûriyê bi rêyên diplomatîk bên çareserkirin. Herwiha hêzên her du welatan jî li Sûriyê bimînin.