Nûnerê Serokê Amerîka yê li dijî DAIŞê Brett McGurk ragihand ku hêzên wan wê li Sûriyê bimînin û ji bo jinavbirina DAIŞê pêwîstî bi demê heye.

Nûnerê Serokê Amerîka yê li dijî DAIŞê Brett McGur di derbarê hêzên Amerîkî yên li Sûriyê axivî û wiha got: “Hêzên me wê li navçeya Tenef ku dikeve başûr rojhilatê Sûriyê bimînin û ji bo deverên din jî ti niyeteke me tine ye ku em hêzên xwe vekişînin. Ji bo jinavbirina DAIŞê pêdivî bi dem heye û xebateke mezin li pêşiya hevpeymana navdewletî heye.”