Hêzên ku ji Artêşa Sûriyê û grûpên ser bi Îranê ve pêk tên, di dema guhertina nobedariyê de grûpa Feylaqul Şam de ku ji aliyê Tirkiyê ve tê piştgirîkirin, bi mûşekê wesayîta leşkerî kirin hedef.

Berpirsê Ragihandinê yê grûpa Feylaqul Şam Seyf Raad ji Ajansa Anadoluyê re ragihand ku Hêzên Hikûmeta Sûriyê, bi mûşekên germahiyê çekdarên wan hedef girtine.

Raad diyar kir ku di êrîşê de 9 çekdarên wan hatine kuştin û 2 jî birîndar bûne.

Li aliyê din çavkaniyên herêmî yên Rojavayê Kurdistanê ragihandin ku 8 kes hatine kuştin.

Li aliyê din Rewangeha Mafên Mirovan a Sûriyê (SOHR) di nûçeya xwe ya li ser mijarê de diyar kir ku “9 endamên Feylakul Şam hatine kuştin”.

SOHRê jî ragihand ku wesayîta leşkerî bi mûşeka germahiyê hatiye hedef girtin.