CENTCOM di daxuyaniyekê de ragihand, hêzên wan bi êrîşeke asamanî li bakurê rojavayê Sûriyeyê “berpisekî diyar ji karûbarên darayî û lojîkî yê rêxistina Huras El-Dîn (Parêzvanên Olê), ku şaxê rêxistina El-Qaîdê ye” armanc kir.

Da zanîn jî, di encama vê êrîşê de, ew berpirsê ku navê wî nehatiye eşkerekirin, hat kuştin.

Ji aliyê xwe ve Fermandarê CENTCOMê General Michael Eric Corella got: “Em ê li pey terorîstan bê rawestan berdewam bin, ji bo parastina welatê xwe û leşkerên Amerîkî, hevalbend û hevkarên xwe yên li herêmê.”

Ji aliyê xwe ve, Rewangeha Sûrî bo Mafên Mirovan eşkere kir, CENTCOMê otomobîlek li nêzîk gundê Orm El-Coz li Idlibê kiriye armanc.

Da zanîn jî, di encama êrîşê de jî du kesên ne-sûrî bi navê "Ebdulrehman El-Lîbî û Fedil El-Lîbî", ku herdu ser bi rêxistina "Huras El-Dîn" ve ne, hatine kuştin.