Malperên xwecihî Tecemuh Ehrar Horan û Dera 24ê ragihand ku li bajarê Newayê yê bakurê parêzgeha Derayê danê sibehê waliyê DAIŞê yê Horanê Usame Şihade El-Ezîzî hat kuştin.

Hat ragihandin ew piştî ku ji aliyê çekdarên xwecihî ve di nav malekê de tevî 6 çekdarên din hat dorpêçkirin, şer di navbera her du aliyan de derket.

Usame Şihade El-Ezîzî ji bajarokê Şecereyê yê rojavayê Derayê ye û sala 2018an emîrê DAIŞê bû li parêzgeha Derayê.

30ê Çiriya Paşîna 2022yan jî, Pentagonê ragihandibû, Xelîfeyê DAIŞê Ebû Hesen el-Haşimî el-Qurêşî ku bi esil xelkê Îraqê ye ji aliyê çekdarên xwecihî ve li Derayê hatibû kuştin, di heman demê de DAIŞê jî ew yek piştrast kiribû.