Beşar Esed ji televizyona fermî ya Rûsyayê ra axivî û ragihand li navçeyên bakurê Sûriyê kurd kêmîne ne, û eger federalî bê ragihandin jî divê federaliyekî erebî be. Beşar Esed behsa beşdariya HSDê bo nava artêşa Sûriyê jî kir û aşkere kir ku HSDê daxwaza wan red kiriye.

Herwiha Beşar Esed behsa operasyonên Tirkiyê bo ser Sûriyê jî kir û Tirkiye cihanê dixapîne. Esed wha got: “Kes wê yekê bawer nake ku bixwaze sê milyon penaberên Sûriyê vegerîne wan navçeyan. Ev manşêteke mirovane ye û armanca jê xapandin e. Eger wiha be jî, zehmet e, çimku ew tê wateya çêkirina milmilanî û nakokiyan di navbera xwediyên axê, gund û gundik û mal û kêlgehên wan li gel kesên ku wê navçeyê wan bicih dikin. Çimku xwediyên zewiyan, dest ji mafê xwe bernadin. Li vir armanca serekî ya Tirkiyê, anîna çekdarên terorîst e ku li Sûriyê şer dikirin û şikest dixwazin, ew bên û li wê navçeyê bicih bikin, da ku komelgehele nû ya tundrew damezrînin, da ku li gor xwesteka serokê rejîma Tirkiyê, Edogan kar were kirin. Ew armanca sereke ya vegerandina penaberan e."