Rewangeha Sûrî ya Mafê Mirovan belav kir, firokeyên Îsraîlê duhî 20ê Mijdarê  2 cih li taxa Cimiyê ya Tedmurê ku yek ji wan komgeheke çekan e û cihê sêyem jî civîneke serkirdeyên milîsên Îranî ligel serkirdeyên Tevgera Nûceba ya Îraqî û serkirdeyekî Hizbullaha Libnanî bombebaran kirin.

Rewangehê diyar kir, di êrîşan de 61 kes hatine kuştin, ji nava wan 33 kes welatiyên Sûriyê ne yên din jî biyanî ne û çekdarên Tevgera Nuceba ya Iraqî û Hizbullaha Libnanî ne.

 Li gorî zanyariyên Rewangehê, di êrîşa Îsraîlê de zêdeyî 50 birîndaran hene, 7 ji wan sivîl in.

Îsraîlê ji destpêka îsal ve 152 caran xaka Sûriyeyê kiriye armanc, tê de 273 armanc wêran kirine, 364 leşker û çekdar kuştine û 305 jî birîndar bûne. Herwiha 62 sivlî hatine kuştin kuştin û 69 sivîl jî birîndar bûne.