Rewangeha Sûrî ya Mafên Mirovan belav kir, duhî li beyabana Dêrazorê bombeyek bi otomobîla kesên ku dumbelanan digerin de teqiya û di encamê de 9 kesan canê xwe ji dest dan û 3 kesên din jî birîndar bûn.

Bi vî awayî, hejmara qurbaniyên sivîl ku ji destpêka îsal ve di encama teqîna mîn û bombeyan de canê xwe ji dest dane, gihîştiye 139 kesan, di nav wan de 9 jin û 20 zarok hene. Her wiha 183 kes birîndar bûne, di nava wan de jî 4 jin û 41 zarokan hene.

Beşek ji xelkê parêzgehên Dêrazor, Reqa, Humis û Hemayê jî bi komkirina vê kuvarikê, dibare jiyana xwe dikin. Bihayê kîloya dumbelanan, li gorî kalîte, mezinahî û tama wan, di navbera 15 û 70 hezar lîreyî de ye.