Artêşa Tirkiyê li Çewligê operasyoneke leşkerî da destpêkirin
Wezareta Navxwe ya Tirkiyê ragihand ku artêşa wan li parêzgeha Çewlig a Bakurê Kurdistanê, operasyoneke leşkerî daye destpêkirin.
31.10.2022, Pts - 07:28
Wezareta Navxwe ya Tirkiyê îro Duşemê 31ê Cotmeha 2022an ragihand ku li navçeya Dara Hênê ser bi parêzgeha Çewligê li dijî PKKê “Operasyona Payîz-Zivistan-7 a Eren Dorpêç” hatiye destpêkirin.
Wezareta navborî ragihandiye ku dê operasyon li navçeya Dara Hênê, ji aliyê Fermandariyên Cendirme yên Çewligê ve bê birêvebirin û 464 cendirmeyên hêzên taybet, polîsên hêzên taybet, komando û cerdevan beşdar bibin ku ji 40 tîman pêk tên.
Berî çend rojan li parêzgehên Dêrsimê û Colemêrgê jî bi heman navî artêşa Tirkiyê operasyon dabûn destpêkirin ku heta niha jî berdewam in
Nerina Azad
Vî nûçeyê tevayî: 586 kes dît.
Rojanekirina Dawî:19:13:06