Wezîrê Tendirustiya Tirkiyeyê Fahrettîn Koca li ser malpera xwe ya civakî daxuyaniyek li ser şewata Diyarbekir û Mêrdînê parve kir û wiha got:

“Di şewata duh bi şev a li navçeya Çinar a Diyarbekirê û Şemrexa navçeya Mêrdînê de, 11 kesan jiyana xwe ji dest da û 78 kes jî birîndar bûn û bi tesîra şewatê mexdûr bûn.

Ji bo kesên jiyana xwe ji dest daye rehmeta Xwedê û ji birîndaran re jî silmetiyê dixwazim.

Li Diyarbekirê 5 nexweş di rewşa giran de ne û 4 ji wan jî întubasyon in. Li Rihayê jî 1 nexweş tedawiya întubasyonê dibîne. Bi giştî hejmara nexweşên ku li nexweşxaneyên me tên dermankirin gehiştiye 6 kesan.

Ji ber şewatan ji Diyarbekirê 24 Ambulans û 3 Ekîbên UMKEyê û ji Mêrdînê jî 15 Ambulans û 4 Ekîbên UMKEyê sewqî cihê bûyerê hatin kirin.

Weke ku tê zanîn şewat ji aliyê yekîneyên pêwendîdar ve hatiye vemirandin û xebatên sarkirinê berdewam dikin.’’