Li gor daxuyaniya Saziya Keşnasî ya Tirkiyê li parêzgehên Mûş, Çewlîg, Xarpet, Meletî, Dêrsim, Erzingan, Erzerom, Erdexan û Sêwazê yên Bakurê Kurdistanê li parêzgehên Yozgat, Çankiri, Kastamonu, Gumuşhane û Bayburt yên Tirkiyê dê îro roja Înê berf bibare û li hinek deveran jî berf û baran bi hevre bibare.

Herwiha tê texmînkirin li beşek parêzgehên Bedlîs, Wan û beşek Çewlîg û Mûşê jî dê baraneke zêde bibare û hişyarî tê dayîn ku dijî lehiyê welatî bi tedbîr bin.

Li gor rapora Keşnasiyê li seranserê Tirkiyê vê hefteyê pileya germê dadikeve û sir û seqem zêdetir dibe.