Îro Şemiyê 8ê Nîsana 2023an di demjimêrên sibehê de li ser rêya Dîlok - Kilisê du otomobîlan li hev dan û di encam de 3 welatiyên Sûrî bi navên Madal Ahmad, Sara Mustafa û Abdullah Ahmad û 2 welatiyên Tirkiyê yên di otomobîla din de Emre Ozmen û Dogukan Kupelî li cihê bûyerê canê xwe ji dest dane.

Her wiha li ser agahdarkirinê tîmên tendirûstiyê çûn cihê bûyerê û kesekî birîndar jî bo Nexweşxaneya Dewletê ya Dîlokê hat veguhestin û hatiye ragihandin ku rewşa kesê birîndar jî di metirsiyê de ye.