Roja Sêşemê 31ê Çileya 2023an beşek welatiyan li taxa Serînevler ya girêdayî navçeya Şahînbey ya Dîlokê, termê zarok 6 salî dîtin.

Li gor zanyariyan welatiyan piştre hêzên ewlekariyê û tîmên tendirustî ji rewşê agahdarkirin.

Piştî pişkinînên hêzên ewlekariyê û tîmên tendirustî hat ragihandin ku ew term yê zarokeke 6 salî ya Sûrî ya bi navê Aya Necmî ye.

Termê zaroka navborî ji bo karûbarên otopsiyê bo pizîşkiya dadî hat rakirin.

Hat ragihandin derbarê bûyerê de gumanbarek hatiye destserkirin.