Li gor agahiyên hatine belavkirin, li gundê Hîzo yê Heskifê, doh bi şev 9ê Nîsanê kesek bi navê Eyup Y. diçe mala Îzzet Tunç ê ku di navbera wan de pirsgirêka erdan hebûye.

Eyup Y. dema dibîne Îzzet Tunç ne li malê ye dayika wî Emîne Tunç a 77 salî dikuje û piştre bi heman çekê xwe jî dikuje.

Li ser agahdarkirinê, tîmên tendirustiyê û cendirme çûne cihê bûyerê.

Termên Eyup Y. û Emîne Tunç bo nexweşxaneya Perwerde û Lêkolînê ya Êlihê hatine veguhestin.

Derbarê bûyerê de lêkolîn hatiye destpêkirin.