Duh rêya ku parêzgeha Erdexanê bi Deryaya Reş ve girê dide, ya li sînorê Gurcistanê ji ber berf û pûkê hat girtin.

Herwiha li ser rêya navbera parêzgehên Erdexan û Qersê jî berfeke zêde dibare û metirsî heye rê were girtin.

Beriya çend rojan berpirsên Rêyên Bejayî yên Erdexanê ragihandibûn ku ji ber zêdeûna berfê çûnûhatin li hinek cihan rawestiyaye û daxwaz kiribûn ku şofêr tedbîrên xwe werbigrin.

Li gor Rêveberiya Giştî ya Keşnasiya Tirkiyê, tê pêşbînîkirin ku li 15 parêzgehên Bakurê Kurdistanê bo dema hefteyekê barîna berfê berdewam be.