Li Mereşê erdhejek bi hêza 4.0 pile çêbû
Li navçeya Bazarcixê ser bi parêzgeha Mereşê ya Bakurê Kurdistanê ku navenda erdheja bi hêza 7.7 pile bû û li 11 bajaran bû sedema wêrankariyeke mezin, paşlerze berdewam in. Demjimêr 00:44 deqe li navenda Bazarcixê bi hêza 4.0 pile erdhejek çêbû.
09.03.2023, Per - 05:46
Piştî erdheja 6ê Sibatê ya Mereşê li seranserê Tirkiye û Bakurê Kurdistanê paşlerze û erdhejên nû berdewam in. Li gor Serokatiya Rêveberiya Karesat û Rewşên Bilez (AFAD), îro Pêşembê demjimêr 00:44 deqe li navenda Bazarcixa Mereşê erdhejek bi hêza 4.0 pile çêbûye û kûrahiya wê 7 kîlometre bin erdê bûye.
Li gor amarên fermî, di wan erdhejan de heta niha zêdeyî 46 hezar kesan li Bakurê Kurdistanê û Tirkiyê canê xwe ji dest dane û zêdeyî 115 hezar kes jî birîndar bûne.
Herwiha bi milyonan welatî jî derbider bûne û li hinek ji wan bajaran koçê destpê kiriye.
Nerina Azad
Vî nûçeyê tevayî: 267 kes dît.
Rojanekirina Dawî:01:13:36
