Doh êvarî li ser rêya di navbera navçeyên Girê Sor û Wêranşarê yên Rihayê de minîbusek ku karker têde bûn wergeriya.

Di encama bûyerê de 23 kes birîndar bûn.

Li gor zanyariyan, karkarên di otobusê de ku di nav baxên gundên derdorê de kar dikirin, vedigeriyan bajêr.

Li ser agahdarkirinê, tîmên tendirustî û berevaniya şaristanî bo cihê bûyerê hatin şandin.

Her 23 kesên birîndar bo Nexweşxaneya Dewletê ya Girê Sor hatin veguhestin. Lê ti zanyariyên din derbarê rewşa wan a tendirustî de nehatine dayîn.