Li Wanê 2 roj qedexe hat ragihandin

Li parêzgeha Wanê ya Bakurê Kurdistanê careke din bi biryara parêzgariyê meş, çalakî û civînên bikom ên li derve 2 rojan hatin qedexekirin.
26.08.2023, Cts - 07:04
Li Wanê 2 roj qedexe hat ragihandin
Nuçe Belav bike

Parêzgariya Wanê li ser malpera xwe ya fermî ragihand ku rojên şemî û yekşemê meş, çalakî, kampanyayên îmzeyan, çêkirina anketan, vedana çadir û standan, daxuyaniyên çapemeniyê, belavkirina belavokan, xwepêşandan, çalakiyên rûniştinê û civînên bikom ên li derve 2 rojan hatine qedexekirin.

Parêzgariya Wanê îddîa ki ku qedexe “ji bo rêgirtina li êrîşan”, “parastina can û malê welatiyan”, “jinavbirina rêxistinên terorê” û “pêkanîna ewlehiya niştîmanî” hatiye ragihandin.

Li gorî daxuyaniyê, qedexe wan çalakiyan li xwe nagire ku bi destûra parêzgariyê ne.

Ev çend hefte ne bi berdewamî rojên şemî û yekşeman bi biryara parêzgariyê sazkirina çalakiyan li Wanê tê qedexekirin.

Nerina Azad
Vî nûçeyê tevayî: 664 kes dît.
Rojanekirina Dawî:19:43:12