Çavkaniyeke taybet ji navçeya Silopiyayê ji ajansa Rûdawê re ragihand ku danê êvarê li ser rêya sereke ya Deriyê Sînorî yê Xabûrê otomobîleke bi plakaya Hewlêrê û barhilgirek li hev qelibîne.

Wê çavkaniyê diyar kir ku di bûyerê de 4 kesên di otomobîlê de birîndar bûne.

Li ser agahdarkirinê tîmên tenduristiyê çûn cihê bûyerê û birîndar rakirin Nexweşxaneya Dewletê ya Silopiyayê.

Hat ragihandin ku rewşa birîndaran baş e û li nexweşxaneyê birînên wan tên dermankirin.