Li Diyarbekirê, Partiya Azadiya Kurdistanê (PAK), komkujiya 1’ê Sibata 2004’an a li Hewlêrê, bi rêya daxuyaniyekê şermezar kir. Di encama êrîşên ku li hember avahiyên PDK û YNK’ê hatibûn kirin de 101 kesan jiyana xwe ji dest dabû û 200 kes jî birîndar bûbûn.

Partiya Azadiya Kurdistanê PAK’ê, salvegera komkujiya li Hewlêrê hatibû kirin, şermezar kir. Di êrîşên ku di 1’ê Sibata 2004’an de li hember avahiyên PDK û YNKê hatin kirin de berpirsên bilind ên herdu partiyan jiyana xwe ji dest dabûn û gelek kes jî birîndar bûbûn.

Êrîş di dema pîrozbahiyên cejnê de hatîbû kirin û di naw kesên şehîd ketibûn de endamên Polîtburoyên PDK’ê Samî Abdurrahman û Seîd Abdullah, Endamê Komîteya Navendî Şevket Şêx Yezdîn, Parêzgerê Hewlêrê Ekrem Mantiq û alîkarî wî û di heman demê de Yekîtiya Nivîskarên Kurdistanê ya Serokê şaxa Hewlêrê Mehdî Xoşnaw, Qeymeqamê Navenda Hewlêrê Ehmed Rojbeyan, Gerînendeyê Polîsên Hewlêrê Amîd Nerîman û Berpirsê YNK’ê yê Hewlêrê Şaxwan Abbad û gelek berpirsên YNK’ê jiyana xwe ji dest dabûn.

Êrîş di 1’ê Sibata 2004’an de li Hewlêrê di dema pîrozbahiya cejnê de ji aliyê Ensar El Îslamê ve hatibû kirin.