Nûçegihanê K24ê yê li Enqerê ragihand, şanda Herêma Kurdistanê ji Serokê Dîwana Encûmena Wezîran Umêd Sebah, Wezîrê Bazirganî Kemal Muslîm, Wezîrê Veguhestin û Gihandinê Ano Cewher û Serokê Desteya Veberhênanê Mihemed Şukrî pêk tê.

Biryar e îro civînên şanda Herêma Kurdistanê ligel rayedarên bilind ên Tirkiyê dest pê bikin.

Mijarên weke pêşxistina pêwendiyên aborî, bazirganî, asayîşa sînor, hêsankariya zêdetir ji bo hatûçûna welatiyan, ji mijarên herî diyar ên girîngiya şanda Herêma Kurdistanê ne.