Balyoza Amerîkayê ya li Iraqê Alina Romanowski di twîtekê de ragihand, ew kêfxweş e ku li Hewlêrê ligel Serokê Herêma Kurdistanê civiyaye û got: “Pêwendiyên navbera Amerîka û Herêma Kurdistanê dê bihêz bimîne.”

Alina Romanowski li ser hesabê xwe yê Twitterê ragihand: “Ez kêfxweş im ku vegeriyam Hewlêrê û ligel Serokê Herêma Kurdistanê Nêçîrvan Barzanî civiyam.”

Romanowski herwiha diyar kiriye: “Li ser mijara rêkeftina li ser budceya giştî û mijarên din ên li ser petrol û gazê, ez hevahengiyên navbera Bexda û Hewlêrê han didim, ku dibe piştevan ji bo seqamgîrî û asayîşa Iraqê.”

Balyoza Amerîkayê dibêje: “Pêwendiyên navbera Amerîka û Herêma Kurdistanê dê bihêz bimîne.”