Wezareta Pêşmerge îro parve kir, “Wezîrê Pêşmerge yê Hikûmeta Herêma Kurdistanê Şoreş Îsmaîl pêşwaziya Fermandeyê Giştî yê Şêwirmendên Serbazî yê Hevpeymanan li Îraqê General Ham û şandeke pê re kir.”

Li dû wê ragehandina Wezareta Pêşmerge, di wê civînê de ku Wekîlê Wezaretê Ebdilxaliq Babîrî û efserên pile bilind ên wê wezaretê jî tê de amade bûbûn, Wezîrê Pêşmerge behsa pirs û piroseya çaksaiyê li Wezareta Pêşmerge kir û ragehand, “Çaksazî piroseyeke hetmî ye, pêxemetî vê yekê jî em li ser rêkxistin û yekkirina hêzên Pêşmergeyan û avakirina firqe û deverên di çarçoveya Wezareta Pêşmerge de berdewam in, bi alîkarî û hevahengiya şêwirmend û diplomatkarên Hevpeymanan li Herêma Kurdistanê û Îraqê.”

Herwesa Wezîrê Pêşmerge pesna bizavên şêwirmendên serbazî yên Hevpeymanan kir û rolê wan di berhingarbûna terorê û parastin û seqamgiriya Herêma Kurdistanê û piroseya çaksaziyê li Wezareta Pêşmerge de bilind nirxand.”

Herwesa Fermandeyê Giştî yê Şêwirmendên Serbazî yê Hevpeymanan li Îraqê General Ham piştevaniya hêzên Hevpeymaniya Navdewletî ji bo Wezareta Pêşmerge tekez kir û ragehand, “Em ji bo avakirina hêzeke niştîmanî ya mukom ji Kurdistanê re alîkar dibin, û hêviya me ew e ku piroseya çaksaziyê bigehe encamekî giring û pêdivî li Wezareta Pêşmerge.”